Financial Councelling call 9843044111

பங்குச் சந்தை! முதலாளிகள் என்னும் முகமூடிக் கொள்ளையர்களின் சதிகளில் சிக்கிப் பணத்தை இழக்கும் அப்பாவி மக்கள்! – ஒரு அலசல்!

sarahfinancial — Fri, 20 Mar 2009 05:11:35 +0000

பணக்காரர்களாக வேண்டும், பெரும் பணம் ஈட்ட வேண்டும், கார் வீடு தோட்டம் என்று சகல வசதிகளையும் அடைய அனுபவிக்க வேண்டும் என்ற ஆசையும் கனவும் பெரும்பாலானவர்களுக்கு இருப்பது இயல்பே.

இது போன்ற தங்களின் நியாயமான நோக்கங்களை – ஆசைகளை நிறைவேற்றிக் கொள்ள தினம் தினம் உழைத்து அதன் மூலம் வாழ்வில் முன்னேற வேண்டும் என்ற எண்ணம் எல்லோருக்கும் இருந்து விடுவதில்லை.

அப்படிக் கடின உழைப்பின்றி எளிதாகப் பெரும் பொருள் ஈட்டி விட வேண்டும் என்ற எண்ணத்துடன் இருப்பவர்களே பெரும்பாலும் பங்குச் சந்தை பற்றி முழுமையான அறிதல் இல்லாமல் அதில் முதலீடுகள் செய்து விட்டுப் பின்னர் பணத்தை இழந்து தவிக்கின்றனர்.

சில அடிப்படைகளைப் பார்ப்போம்,

பங்குச்சந்தை என்பது பங்குகளை ஒரு குறிப்பிட்ட விலையில் வாங்கி பின்னர் அந்தப் பங்குகளின் விலை உயர்ந்த பின்னர் அந்தப் பங்குகளை விற்று அதன் மூலம் லாபம் சம்பாதிக்கும் இடம் என்றே பலரும் எண்ணிக் கொண்டிருப்பதே இன்று பொதுமக்கள் பலருக்கும் ஏற்பட்டுள்ள இழப்பிற்கு காரணமாகும்.

அதனால்தான் கடந்த ஆண்டு தொடங்கி இப்போது வரை நீடிக்கும் பங்குச்சந்தையின் தொடர் வீழ்ச்சிகளால் பணத்தை இழந்து நிற்பவர்களில் பெரும்பாலானோர் நடுத்தர மக்களே. இப்படி இழந்தவர்கள்,

(1) தகவல் தொழில் நுட்பத் துறை, மென்பொருள் துறைகளில் கை நிறைய தாங்கள் சம்பாதித்த பணத்தை முதலீடு செய்த இளைஞர்கள் -

(2) தனியார் மற்றும் அரசு நிறுவனங்களில் பணியாற்றி ஓய்வு பெற்றவ முதியவர்கள் தங்கள் ஓய்வுக் கால நல நிதிகளை.

(3) தங்களது தொழிலில் போராடி சம்பாதித்த சொந்த தொழில் புரிவோர்

(4) மாத சம்பளம் வாங்கிக் கணக்குப் பார்த்துக் குடும்பம் நடத்தும் நடுத் தரக் குடும்பத்தினர்,

என அனைத்து தரப்பு மக்களும் தங்களது பணத்தை பங்கு சந்தையின் சரிவுகளால் இழந்து இன்று என்ன செய்வதென தெரியாமல் விழி பிதுங்கி நிற்கின்றனர்.

பங்குச்சந்தை முதலீடு என்பது ,

பெரிய நிறுவனங்கள் தங்களுடைய நிறுவனத்தின் விரிவாக்கத்திற்கோ அல்லது புதிய தொழில் தொடங்கவோ தங்களுடைய நிறுவனங்களின் குறிப்பிட்ட அளவு பங்கை பங்குச்சந்தை மூலமாக விற்கின்றனர் .

அதன் மூலம் தங்களுக்கு தேவையான மூலதனத்தை திரட்டுகின்றனர்.

பின்னர் அந்த நிறுவனம் தான் ஈட்டும் லாபத்தில் இருந்து அதன் பங்குகளை வாங்கியோருக்கு அந்தப் பங்குகளின் அளவிற்கு ஏற்ப அவர்களுக்கு உரிய லாப பங்கை பிரித்து தரும் ,

அந்த நிறுவனத்தின் செயல்பாட்டைப் பொறுத்து பங்குகள் வாங்கியோருக்கு லாபமும் , இழப்பும் ஏற்பட வாய்ப்பு உள்ளது. அதைப் பொறுத்துதான் அந்த நிறுவனத்தின் பங்கு மதிப்பு உயரும், அல்லது குறையும்.

எனவே ஒரு நிறுவனத்தின் பங்குகளை வாங்கும் முன்னர் பொது மக்கள் ,

அந்த நிறுவனத்தின் முதலீடு எவ்வளவு ,

அதன் இன்றைய சொத்து மதிப்பு எவ்வளவு ,

அந்த நிறுவனத்தின் நிகர லாபம் எவ்வளவு ,

எதிர்கால திட்டங்கள் என்ன ,

எதற்காக இப்போது குறிப்பிட்ட அளவு பங்கை பங்குச்சந்தை மூலம் விற்கப் போகிறார்கள் ,

அந்த நிறுவனம் நடத்தும் தொழிலின் எதிர்காலம் எப்படி இருக்கும்

இந்த நிறுவனத்தின் பங்குகளை வாங்கினால் எதிர்காலத்தில் கிடைக்கப் போகும் லாபம் எவ்வளவு ,

நிறுவனத்தின் வரலாறு ,

நிறுவனம் நடத்துவோரின் நம்பகத் தன்மை ,

போன்ற இன்னும் பல காரணிகளையும் ஆராய்ந்து அதன் பின்னர் அந்த நிறுவனம் மீது முழு நம்பிக்கை ஏற்பட்ட பின்னரே அந்த நிறுவனத்தின் பங்குகளை வாங்க வேண்டும் .

ஆனால் இது மாதிரியான பங்குசந்தையின் அடிப்படை எதையுமே தெரிந்து கொள்ளாமல் – தாங்கள் முதலீடு செய்யப் போகும் நிறுவனத்தைப் பற்றியும் எதுவும் தெரிந்து கொள்ளாமல் – யாரோ ஒரு பங்குசந்தை தரகர் கூறியதை அப்படியே நம்பி முதலீடு செய்ததால்தான் இன்று தங்களின் பணத்தை ஒட்டுமொத்தமாக இழந்து தவிக்கின்றனர் பொது மக்கள் .

இது போன்ற மக்களின் அறியாமையைப் பயன்படுத்தி கொண்டுதான் நிறுவனங்களின் அதிபர்களும் , பங்கு சந்தை தரகர்களும் சேர்ந்து திட்டமிட்டு பங்கு சந்தையை ஒரு சூதாட்டக் களமாக மாற்றி அப்பாவி மக்களின் பணத்தை கோடிக் கணக்கில் வேட்டையாடி விடுகின்றனர் .

பங்குச் சந்தை சூதாட்டத்தால்தான் ஹர்ஷத்மேத்தாக்கள் போன்ற பங்கு சந்தை தரகர்கள் திடீர் கோடீஸ்வரர்களானார்கள். சேத்தன் பரேக் என்பவன் பங்குச் சந்தைத் தரகன்தான். அவனும் கோல்மால் செய்து கோடீஸ்வரன் ஆனான்.

இன்றைய பிரபல கம்பெனிகளே பங்குச் சந்தை சூதாட்டத்தில்தான் பல குட்டிகளே போட்டிருக்கின்றன. இத்தனைக்குப் பின்னரும் ஏன் பங்குச் சந்தை சூதாட்டத்தை அரசு ஊக்குவிக்கிறது?

1990 -ஆம் ஆண்டுக்குப் பின்னர் பொருளாதார தாராள மயமாக்கல் இந்தியாவில் நடைமுறைப் படுத்தப்பட்ட பின்னர் , பங்குச்சந்தை புது வேகம் கொண்டு முன்னேற ஆரம்பித்தது, வெளிநாட்டு நிதி நிறுவனங்கள் இந்தியப் பங்கு சந்தையை சூதாட்டக் களமாக மாற்றத் துவங்கின,

***************************************************************************************************
சென்செக்ஸ் குறியீட்டு புள்ளி தேதி
***************************************************************************************************
1000 July 25, 1990
***************************************************************************************************
2000 Jan 15, 1992
***************************************************************************************************
3000 February 29, 1992
***************************************************************************************************
4000 March 30, 1992
***************************************************************************************************
5000 October 11, 1999
***************************************************************************************************
10,000 February 7, 2006
***************************************************************************************************
15,000 July 6, 2007
***************************************************************************************************
16,000 September 19, 2007
***************************************************************************************************
17,000 September 26, 2007
***************************************************************************************************
18,000 October 9, 2007
***************************************************************************************************
19,000 October 15, 2007
**************************************************************************************************
20,000 October 29, 2007
***************************************************************************************************
21,000 January 8, 2008
***************************************************************************************************
அதன் பின் மிகப் பெரிய சரிவை சந்தித்த பங்கு சந்தை தற்போது 10000 புள்ளிகளுக்கும் குறைவாக உள்ளது,

இந்த ஒரு வருட காலத்தில் மட்டும் பங்கு சந்தை மதிப்பு பாதியாகக் குறைந்து உள்ளது, அதாவது இந்த ஆண்டு ஜனவரி மாதம் ஒருவர் இந்திய பங்கு சந்தையில் பத்து ரூபாய் முதலீடு செய்திருந்தால் இன்று அவரது பங்கு மதிப்பு ஐந்து ரூபாய் மட்டுமே ,

அமெரிக்காவில் ஏற்படும் பொருளாதார நெருக்கடிகளால் இந்திய பங்கு சந்தையில் இப்படி ஒரு அதளபாதாள சரிவு ஏற்பட்டு உள்ளது என காரணம் கூறப் படுகிறது .

வெளிநாட்டு முதலீடுகளை கட்டுப்பாடு இல்லாமல் அனுமதித்ததன் விளைவே இது, நமது நாட்டில் நடைபெறும் தொழில்களையும் , நிறுவனங்களையும் நம்பி முதலீடு செய்த நமது மக்கள் அமெரிக்க பொருளாதார வீழ்ச்சியால் தங்கள் பணத்தை இழப்பது வேதனையான விஷயம் அல்லவா?

வெளிநாட்டு பண முதலைகள், இந்திய நிறுவன அதிபர்கள் , பங்கு சந்தை தரகர்கள் ஆகியோரின் கூட்டணியால் நடத்தப்பட்ட சித்து விளையாட்டுகளால் கடந்த பதினேழு ஆண்டுகளாக இந்திய பங்கு சந்தை திடீர் ஏற்றம் பெறுவதும் , திடீரென வீழ்ச்சி அடைவதும் தொடந்து நடைபெற்றுக் கொண்டுள்ளது .

பங்கு சந்தை என்பது நிலை இல்லாதது , உறுதி இல்லாதது , நம்பகத் தன்மை இல்லாதது, எந்த நேரத்திலும் நாம் முதலீடு செய்த பணத்தில் இழந்துவிடும் வைப்பு உள்ளது – என்பன போன்ற பல்வேறு அபாயங்கள் உள்ள இந்த பங்கு சந்தையை அரசு ஒரு கடிவாளம் கட்டி தனது கட்டுப்பாட்டில் வைத்திருந்தால் பொதுமக்கள் தங்கள் பணத்தை இந்த அளவுக்கு இழக்காமல் இருந்திருப்பர் அல்லவா ?

மக்களின் உயிருக்கும் உடமைக்கும் பாதுகாப்பு கொடுப்பதுதான் அரசின் தலையாய கடமை , அப்படி இருக்கும் போது பங்கு சந்தையில் வெளி நாட்டு முதலீடுகளால் வந்து பணம் குவிவதையும் ,

அதைப் பார்த்து ஏதும் அறியாமல் தாங்களும் சம்பாதிக்க ஆசைப்பட்டு அப்பாவி பொதுமக்கள் தங்கள் பணத்தை முதலீடு செய்ததையும் ,

இப்போது அந்நிய நாட்டு முதலீடுகள் திரும்பப் பெறப் படுவதால் பங்குகளின் விலை வீழ்ந்து அதனால் அப்பாவி மக்கள் தங்கள் தங்கள் பணத்தை இழந்து கொண்டு இருப்பதையும் ஒரு பார்வையாளரைப் போல் வேடிக்கை பார்த்துக் கொண்டிருப்பது ஒரு நல்ல அரசுக்கு அழகல்லவே.

இப்போது வெளிவந்துள்ள சத்யம் கம்ப்யூட்டர் நிறுவனத்தின் முறைகேடுகள் மக்கள் மத்தியில் ஏற்படுத்தியுள்ள சந்தேகங்கள் மற்றும் பயங்களால் பங்கு சந்தை மேலும் சீர்குலைகிறது. இன்னும் எத்தனை நிறுவனங்கள் இது போல முறைகேடுகளைச் செய்துள்ளனவோ தெரியவில்லை.

பங்கு சந்தை என்பது மாற்றம் நிறைந்தது என்று கூறுவார்கள், ஆனால் எத்தனை மாற்றங்கள் வந்தாலும் முதலாளிகள் முதலாளிகளாகவே இருப்பதும், அயோக்கியர்கள் கோடிகளை ஈட்டுவதும் , அப்பாவி பொதுமக்கள் தங்கள் பணத்தை இழந்து விட்டுப் பின்னர் அழுது புலம்புவதும் எப்போதும் மாறவே இல்லை……………

கருத்துப்படங்கள்

sarahfinancial — Fri, 20 Mar 2009 04:55:02 +0000

ராஜபக்ச தங்கை ராஜபக்சேவிடம் பேசட்டும்!கலைஞர் தமிழர்களிடம் பேசட்டும்!

கருத்துப் படம்: அப்பாவி ஈழத் தமிழர்கள் கொல்லப்படுவதைத் தவிக்கப் போராளிகளை ஜனநாகயகப் பாதைக்குத் திரும்பச் சொல்லுங்கள் என்று ராஜபக்ச கலைஞர், ஜெயலலிதா அம்மையார் ஆகியோரிடம் கேட்டுக் கொண்டு உள்ளார்.

(படத்தின் மேலே அமுக்கினால்(MOUSE CLICK) படம் பெரிதாகத் தெளிவாகத் தெரியும்)

நன்றி……………..
button=”hori”;
submit_url =”http://arivili.blogspot.com/2009/01/blog-post_29.html”

table.pathivu {padding:0;margin:0;border:0px none;}td.pathivu {text-align:center; color:#555;padding:0;margin:0;border:0px none;}tr.pathivu {padding:0;margin:0;border:0px none;}img.pathivu {padding:0;margin:0;border:0px none;display:inline}div.pathivu {padding:0;margin:0;border:0px none;}input.pathivu {font-family:TSCu_InaiMathi,Latha,TSCu_paranar,TheneeUniTx;}form.pathivu {padding:0;margin:0;border:0px none;}.pathivu a:link .pathivu a:hover .pathivu a:active .pathivu a:visited {text-decoration:none;padding:0;margin:0;border:0px none;}

தமிழகத்தில் மின்வெட்டும்! அம்மையாரின் மக்கள் தொண்டும்!

கருத்துப் படம்! தமிழகத்தில் மின்வெட்டும்! அம்மையாரின் மக்கள் தொண்டும்!

(படத்தின் மேலே அமுக்கினால்(MOUSE CLICK) படம் பெரிதாகத் தெளிவாகத் தெரியும்)

button=”hori”;
submit_url =”http://arivili.blogspot.com/2009/01/blog-post_1217.html”

மன்மோகானந்தா சுவாமிகளும்! கொலைகார பக்சேவும்!பக்சேவின் புதிய தங்கையும்!

கருத்துப் படம்! மன்மோகானந்த சுவாமிகளும்! ஈழத் தமிழர்களைக் கொன்று குவிக்கும் கொலைகார பக்சே! பக்சேவின் புதிய தங்கையாகி உள்ள அம்மையாரும்!

(படத்தின் மேலே அமுக்கினால்(MOUSE CLICK) படம் பெரிதாகத் தெளிவாகத் தெரியும்)

நன்றி…………….
button=”hori”;
submit_url =”http://arivili.blogspot.com/2009/01/blog-post_1312.html”

திருமாவின் நாடகமும்! அம்மையாரின் தியாகமும்!

இந்தப் புகைப்படங்களுக்கு விளக்கங்கள், விமர்சனங்கள் தேவையில்லை என்று நினைக்கிறேன்,

sarahfinancial — Fri, 20 Mar 2009 04:47:39 +0000

எவ்வளவு ஆணவம் பாருங்க, அம்மையார் நிற்கிறார்- இவர் உட்கார்ந்து கொண்டு இருக்கிறார் – இவரை……….

அம்மையாரின் 60-ஆவது பிறந்தநாளை முன்னிட்டு அம்மையாரும் உயிர்த் தோழியும் மாலை மாற்றிக் கொள்கின்றனர்.

(நக்கீரன், பிருந்தனின் வலைப்பூ, தமிழ் ஓவியம் இணையம், மணக்குடியான் இணையம், ஹிந்து ஆகிய இணையங்களில் இருந்து சில புகைப்படங்கள் எடுக்கப்பட்டு இங்கே பகிரப்பட்டு உள்ளது- அவர்களுக்கு எனது நெஞ்சார்ந்த நன்றிகள்)

கலைஞர், ஜெயலலிதா, குஷ்பூ, சச்சின், விஜய் ஆகியோரை இந்தப் புகைப்படங்களில் கண்டுபிடிக்க முடியுமா உங்களால்?

sarahfinancial — Fri, 20 Mar 2009 04:34:42 +0000

இங்கே உள்ள புகைப் படங்களைப் பார்த்து அதில் உள்ள பிரபலங்கள் யார் என்று கண்டு பிடிக்க முடிகிறதா என்று பாருங்கள்.

ஒரு வேளை கண்டுபிடிக்க முடியவில்லை என்றால் படங்களைப் பெரிதாக்கிப் பாருங்கள் அவர்களின் பெர்யர் வரும். படங்களைப் பெரிதாக்க படங்களின் மீது அமுக்குங்கள்(MOUSE CLICK) .

நன்றி: சுந்தரேசன் ( SUNDARESANN.N@GMAIL.COM)

பிரபலங்கள் குழந்தைகளாக அல்லது சிறுவயதாக இருந்த போது எடுத்த இந்தப் புகைப்படங்கள் தேவைப்பட்டால் உங்கள் கணினிக்குத் தரவிறக்கம் செய்து சேமித்துக் கொள்ளலாம்.

கண்டு பிடிக்க முடியாதவர்கள் இங்கே பார்த்துக் கொள்ளுங்கள்,

ஜெயலலிதா, சுப்ரமணியசுவாமி, விஜய், திரிஷா, பெப்சி உமா, கமல், ஐஸ்வர்யா ராய், குஸ்பூ, விவேக், சேரன், கஜோல், மீனா, ஸ்ரீதேவி, பிரபு தேவா, கோபிகா, கஜோல், சாருக் கான், சுஸ்மிதா சென், மாதவன், தருண், சச்சின், கலைஞர் சிவாஜியுடன்,

வாகன வராக்கடனால் வங்கிகள் அச்சம்

sarahfinancial — Fri, 20 Mar 2009 03:43:58 +0000

மும்பை: இரு சக்கர வாகனம் வாங்க அளிக்கப்பட்ட கடனை பலரும் கட்டாததால், வாகனக் கடன் தரவே வங்கிகள் அச்சப்படுகின்றன. வாகனக் கடனை நிறுத்தி விட சில வங்கிகள் திட்டமிட்டுள்ளன.

பணவீக்கம் அதிகரித்து விட்டதால், எல்லா பொருட்களின் விலைகளும் அதிகரித்து விட்டன; வீடு, வாகனக் கடன் வட்டி வீதம் கிடு கிடுவென உயர்ந்து வருகிறது. வீட்டுக்கடன் வாங்குவோருக்கு மாதத் தவணைத் தொகை இப்போதே பல மடங்கு உயர்த்தப்பட்டு விட்டன. வாகனக் கடன் வட்டி வீதம் உயர்த்தப்பட்டதை அடுத்து, அதன் மாதத் தவணைத் தொகையும் அதிகரிக்கப்பட்டுள்ளது. ஆனால், மாதத் தவணையை கட்டாமல் பலர் டிமிக்கி கொடுத்து விட்டனர். இவர்களின் எண்ணிக்கை கடந்த சில மாதங்களில் மிக அதிகமாக உள்ளது.

வாகனக் கடனை வங்கிகள் இரண்டு வகையில் தருகின்றன. தனி நபர்களுக்கு நேரடியாக தருகின்றன; வாகன விற்பனை ஏஜென்சிகள் மூலம் அவர்களின் வாடிக்கையாளர்களுக்கு தருகின்றன. சமீப காலத்தில், விற்பனை ஏஜென்சிகள் மூலம் வாடிக்கையாளர்களுக்கு அளிக்கப்பட்ட கடன் பாக்கித்தொகை தான் வராக்கடனாகி வருகிறது. கடன் தவணையை கட்டாமல் பாக்கி வைத்திருப்போரின் எண்ணிக்கை மிக அதிகமாகி வருகிறது.

கடன் பாக்கியை கட்டாமல் இருக்க சிலர் திட்டமிட்டு, சில தவறான வழிகளையும் கையாள்கின்றனர். தங்கள் வாகனம் தொலைந்து விட்டதாக போலீஸ் புகார் மனு அளித்து, அதன் முதல் தகவல் அறிக்கையை வங்கிக்கு அனுப்பி விடுகின்றனர். இப்படிபட்ட சூழ்நிலையில், கடனை கட்டாமல் நிறுத்தி விடுகின்றனர். இன்னும் சிலர், போலி ரேஷன் கார்டு போன்ற சான்றிதழ் நகல்களைக் கொடுத்து கடன் வாங்கி விடுகின்றனர். அவர்கள் விலாசம் தெரியாததால், அவர்களிடம் கடன் பாக்கியை வசூலிக்க முடியாமல் வங்கிகள் திணறுகின்றன. இப்படி பல வகையில் கடன் பாக்கி வராமல் இருப்பதால், தனியார் வங்கிகள் அதிரடி நடவடிக்கை எடுத்துள்ளன.

ஐ.சி.ஐ.சி.ஐ., வங்கி இதற்கு பிள்ளையார் சுழி போட்டுள்ளது. விற்பனை ஏஜென்சிகள் மூலம் வாடிக்கையாளர்களுக்கு தரப்படும் கடன் பட்டுவாடாவை ரத்து செய்துள்ளது. வரும் 15ம் தேதி இது அமலுக்கு வருகிறது. வங்கியின் 1,400 கிளைகள் மூலம் வாகனக் கடன், வாடிக்கையாளர்களுக்கு நேரடியாக தர வங்கி முடிவு செய்துள்ளது. இப்படி செய்தால், கடன் பாக்கி கட்டாமல் டிமிக்கி கொடுப்போர் எண்ணிக்கை குறையும் என்று எதிர்பார்க்கிறது. இந்த வங்கியைத் தொடர்ந்து, எச்.எஸ்.பி.சி., வங்கியும் தனி நபர் கடன்களைத் தருவதில் கடும் கட்டுப்பாடுகளைக் கொண்டு வந்துள்ளது. பர்சனல் லோன் உட்பட வாடிக்கையாளர்களுக்கு தரப்படும் பலவித கடன்களுக்கு கட்டுப்பாடுகளை விதித்துள்ளது.

”வங்கிக் கடனைக் கட்டாத முதலாளிகள் சூழ்நிலைக் கைதிகள்!” -உச்சநீதி மன்றத்தின் அழுகுனித் தீர்ப்பு

sarahfinancial — Fri, 20 Mar 2009 03:40:03 +0000

தமிழக முதல்வராக தி.மு.க. தலைவர் மு.கருணாநிதி பதவியேற்றவுடனேயே, தமிழக விவசாயிகள் கூட்டுறவு வங்கிகளில் வாங்கியிருந்த 6,866 கோடி ரூபாய் பெறுமான கடன்களை ரத்து செய்வதாக அறிவித்தார். இக்கடன் தள்ளுபடியைத் தனது தேர்தல் வாக்குறுதியாக தி.மு.க. குறிப்பிட்டவுடனேயே, பல பொருளாதார வல்லுநர்களுக்குத் துக்கம் தொண்டையை அடைக்க

ஆரம்பித்து விட்டது. “”இக்கடன் தள்ளுபடியால் தமிழக அரசுக்கு ஏற்படக்கூடிய நட்டத்தை எப்படி ஈடுகட்ட முடியும்? இது போன்ற கவர்ச்சித் திட்டங்களால் தமிழகம் முன்னேற முடியாது?” என்றெல்லாம் புலம்பி, அவர்கள் தங்களின் எரிச்சலைக் கொட்டித் தீர்த்தனர்.

அவர்களின் புலம்பல்களை எல்லாம் நூற்றுக்கு நூறு உண்மை என்றே வைத்துக் கொள்வோம். இது போன்ற சலுகை முதலாளிகளுக்கு அளிக்கப்படும்பொழுது, அவர்கள் அதனையும் எதிர்ப்பதுதானே நியாயமாக இருக்க முடியும்? ஆனால், உச்சநீதி மன்றமோ இதற்கு வேறு விளக்கம் சொல்கிறது.

“”வளர்ச்சி கடன் வங்கி” என்ற நிதி நிறுவனம், தன்னிடம் தொழில் தொடங்க கடன் வாங்கிவிட்டு, அதற்கான வட்டியையோ, அசலையோ திரும்பவும் வசூலிக்க முடியாமல் நிலுவையில் இருக்கும் 120 கோடி ரூபாய் பெறுமானமுள்ள வாராக் கடன்களை சமீபத்தில் தள்ளுபடி செய்தது. இத்தள்ளுபடியை எதிர்த்து நடந்த வழக்கில் தீர்ப்பளித்த உச்சநீதி மன்றம், “”இதனை வங்கி நிர்வாகத்தின் தவறான நடவடிக்கை எனப் பார்க்கக் கூடாது” எனக் குறிப்பிட்டு, வாராக் கடன் தள்ளுபடிக்கு எதிராகத் தொடுக்கப்பட்ட வழக்கை தள்ளுபடி செய்துவிட்டது.

“”கடன் கொடுத்த வங்கி மற்றும் கடன் வாங்கியவர்களின் முயற்சிகளுக்கு அப்பாற்பட்டு, கடனைத் திருப்பிச் செலுத்த முடியாத / வசூலிக்க முடியாத சூழ்நிலை ஏற்படலாம் என்பதைப் புரிந்து கொள்ள வேண்டும்.”

“”இலாபத்துடன் இயங்கி வரும் வங்கிகள் இது போன்ற வாராக் கடன்களை தள்ளுபடி செய்யலாம். இந்தத் தள்ளுபடி, வங்கியின் ஆண்டு வரவுசெலவு அறிக்கையில் செய்யப்படும் கணக்கியல் நடவடிக்கைதானே தவிர, வங்கிக்குத் தான் கொடுத்த கடனைத் திரும்பப் வசூலிக்கும் உரிமை எப்பொழுதும் உண்டு” என உச்சநீதி மன்றம் வாராக் கடன் தள்ளுபடிக்கு ஆதரவாகப் பல வாதங்களை எடுத்து வைத்துள்ளது.

தொழில் தொடங்குகிறோம் என்ற பெயரில் தனியார் முதலாளிகள், பொதுத்துறை வங்கிகள் / பொதுத்துறை நிதி நிறுவனங்கள் / தனியார் வர்த்தக வங்கிகளிடமிருந்து பெற்றுள்ள கடன் 31.3.1997இல் 47,300 கோடியாக இருந்தது; இந்த வாராக் கடன் 31.3.2001இல் 81,000 கோடி ரூபாயாக வளர்ந்து, இன்று 1 இலட்சம் கோடி ரூபாயைத் தாண்டி விட்டது. வங்கிகளில் போடப்பட்டுள்ள பொதுமக்களின் சேமிப்பை தனியார் முதலாளிகள் கமுக்கமாக ஏப்பம் விட்டிருப்பது, வங்கி ஊழியர்களின் போராட்டத்திற்குப் பிறகுதான் வெளியுலகுக்குத் தெரிந்தது.

“”வங்கிகளில் கடன் வாங்கி ஏப்பம் விட்டுவிட்ட முதலாளிகளின் பெயர்களைப் பகிரங்கமாக வெளியிட வேண்டும்; அவர்களின் மீது கிரிமினல் வழக்கு தொடருவதற்கு ஏற்றவாறும்; கடனுக்கு ஈடாக அவர்களின் பினாமி சொத்துக்களைப் பறிமுதல் செய்வதற்கு ஏற்றவாறும் பொதுத்துறை வங்கிகளுக்கு அதிகாரம் அளிக்க வேண்டும்” என்று வங்கி ஊழியர்கள் கோரி வருகிறார்கள். அக்கோரிக்கைகளை இன்றுவரை ஏற்க மறுத்து, தனியார் முதலாளிகளைக் காப்பாற்றி வரும் மைய அரசிற்கு இந்தத் தீர்ப்பு, எல்லா வாராக் கடன்களையும் ஒரேயடியாக ரத்து செய்துவிடும் வாய்ப்பினை வாரி வழங்கியிருக்கிறது.

கடனைக் கட்ட முடியாத விவசாயிகள் தற்கொலை செய்து கொள்கிறார்கள்; அல்லது சிறுநீரகங்களை விற்றாவது கடனைக் கட்ட முயலுகிறார்கள். இப்படி எந்த தொழில் அதிபராவது கடனைக் கட்ட முடியாமல் நொடித்துப் போய் தெருவுக்கு வந்திருக்கிறாரா?

ஜெயாசசி தோழிகள், பொள்ளாச்சி மகாலிங்கம், சாராய உடையார் குடும்பம் போன்ற வங்கிக் கடனைக் கட்ட மறுக்கும் “பெரிய’ மனிதர்கள், புதிய புதிய தொழில்களைத் தொடங்கி நடத்தி வருவதை நம் கண்முன்னே பார்க்கிறோம். இப்படிப்பட்ட நிலையில், இவர்கள் வாங்கிய கடனை வங்கிக் கணக்கில் இருந்து தள்ளுபடி செய்யப் பரிந்துரைப்பது மோசடித்தனமாகாதா?

தனியார்மயத்தை ஆதரிக்கும் பொருளாதார வல்லுநர்கள், “”முதலாளிகளுக்கு சலுகை வழங்கினால், பொருளாதாரம் முன்னேறும்; விவசாயிகளுக்கோ, பிற உழைக்கும் மக்களுக்கோ சலுகையோ, மானியமோ வழங்கினால் பொருளாதாரம் நாசமாகப் போய்விடும்” என்ற இரட்டை அளவுகோலை கையில் வைத்திருக்கிறார்கள்.

இந்த மோசடித்தனமான அளவுகோலின் காரணமாகத்தான், விவசாயிகளின் கூட்டுறவுக் கடன்கள் தள்ளுபடி செய்யப்பட்டதை எதிர்த்தவர்கள், உச்சநீதி மன்றம் மூலமாக முத லாளிகளுக்கு வழங்கப்பட்டுள்ள இந்தச் சலுகையைப் பற்றி வாய் திறக்க மறுக்கிறார்கள்.

பங்குச் சந்தையில் முதலீடு செய்வது என்ற பெயரில் தொழிலாளர்களின் சேமநல நிதியையும்; வங்கிகளில் உள்ள பொதுமக்களின் சேமிப்பையும் தனியார் முதலாளிகள் சூறையாடுவதற்கு ஏற்றவாறு ஏற்கெனவே “”சீர்திருத்தங்கள்” செய்து தரப்பட்டுள்ளன. உச்சநீதி மன்றமோ, கடன் என்ற பெயரிலும் பொதுமக்களின் சேமிப்பைக் கொள்ளையடிப்பதற்கு இத்தீர்ப்பின் மூலம் சட்டபூர்வ தகுதியை வழங்கியிருக்கிறது.

மு ரஹீம்

ICICI வங்கியின் வீட்டுக் கடன் வட்டி குறைப்பு

sarahfinancial — Fri, 20 Mar 2009 03:35:11 +0000

ICICI வங்கி வீட்டுக் கடனுக்கான வட்டி விகிதத்தைக் குறைத்துள்ளது. கால் சதவீதம் முதல் அரை சதவீதம் வரை வட்டி குறைக்கப்பட்டு, அது உடனடியாக அமலுக்கு வருவதாக வங்கி அறிவித்துள்ளது.

ரூ. 20 லட்சத்துக்கும் குறைவான முன்னுரிமை வீட்டுக் கடனுக்கு வட்டி விகிதம் 9.75 சதவீதமாக இருக்கும். முன்னர் இது 10 சதவீதமாக இருந்தது. ரூ. 20 லட்சம் முதல் ரூ. 30 லட்சம் வரையான கடனுக்கான வட்டி தற்போது 10 சதவீதம். முன்னர் அது 10.5 சதவீதமாக இருந்தது.

ரூ. 30 லட்சத்துக்கும் மேற்பட்ட கடனுக்கான வட்டி 12 சதவீதத்திலிருந்து 11.5 சதவீதமாகக் குறைக்கப்பட்டுள்ளது.

குறைக்கப்பட்ட வட்டி விகிதம் புதிதாக கடன் வாங்குவோருக்கு மட்டும் பொருந்தும் என ICICI யின் செய்திக் குறிப்பில் தெரிவிக்கப்பட்டுள்ளது.

கடன் அட்டை

sarahfinancial — Thu, 19 Mar 2009 15:37:45 +0000

Dec 8, 2007

மணிக்கு அந்தக் கடிதம் வந்ததிலிருந்துதான் தொடங்கியது சனி.

“திரு சுப்பிரமணியம் கோவிந்தராஜன், தங்கள் கடன் அட்டையில் இரண்டு மாதங்களாக ரூ 150000/- (ரூ ஒரு லட்சத்து ஐம்பதினாயிரம் மட்டும்) கட்டப்படாமல் நிலுவையில் இருக்கிறது. தாங்கள் உடனே ஆவன செய்யும்படி கேட்டுக்கொள்கிறோம், ஒ-ம், —வங்கி”

எப்படி இது சாத்தியம்? வீட்டின் கடைசிச் செலவுகளுக்காக கடன் வாங்கியது உண்மை. ஆனால் அடுத்த மாதம் அலுவலகத்தில் எல்லாக்கடன்களையும் எடுத்து வங்கிக்குக் காசோலை அனுப்பியாகிவிட்டதே. இரண்டு மாதங்களாக நிலுவையா? வங்கிக்கே பேசிவிடலாமா?

“உங்கள் சேமிப்பு கணக்கு பற்றிய தகவல்களுக்கு 1 ஐ அழுத்தவும்..”

ஏழெட்டு எண்களை அழுத்தி “உங்கள் அழைப்பு எங்களுக்கு முக்கியமானது, தயவு செய்து காத்திருக்கவும்” 20 நிமிடம் கேட்டுக்கொண்டிருந்தபின்

“வணக்கம் என் பெயர் ஜான். உங்களுக்கு என்ன சேவை வேண்டும்” அப்பாடா மனிதக் குரல்!

“என் பெயர் சுப்பிரமணியம் கோவிந்தராஜன். என் அட்டை எண்—————-”

“ஒரு நிமிடம் திரு கோவிந்தராஜன்..”

“உங்கள் கணக்கில் இன்னும் 1.5 லட்சம் கட்டப்படாமல் நிலுவையில் இருக்கிறது”

“நான் சென்ற 3ஆம் தேதி அதற்குக் காசோலை அனுப்பிவிட்டேனே”

“இன்று தேதி 5 தான் ஆகிறது, ஒருவேளை கணக்கு இற்றைப்படுத்தப்படாமல் இருக்கலாம்.”

“நான் சொல்வது போனமாதம் 3ஆம் தேதி”

“மன்னிக்கவும் திரு கோவிந்தராஜன், இன்னும் எங்களுக்கு அந்தக் காசோலை வந்து சேரவில்லை”

“ஆனால் வங்கிக்கணக்கில் அந்தப் பணம் குறைந்துவிட்டிருக்கிறதே”

“இன்னும் இந்தக் கணக்குக்கு வரவில்லை திரு கோவிந்தராஜன். நீங்கள் உடனே அந்தப் பணத்தைக் கட்டவேண்டும். எங்கள் கடன்மீட்புத் துறைக்கு உங்கள் கணக்கு பற்றிய தகவல்களை அறிவித்து விட்டோம்”

“ஆனால் நான் அனுப்பிவிட்டேனே”

“உங்கள் காசோலை எண்ணைச் சொல்கிறீர்களா? சரி பார்க்கிறேன்”

சொன்னான்.

“ஆம், இந்தக் காசோலை எங்கள் வங்கிக்கு வந்திருக்கிறது, ஆனால் வேறு ஒரு எண்ணுக்கு. உங்களிடம் ஒன்றுக்கு மேற்பட்ட கடன் அட்டைகள் இருக்கின்றனவா?”

“இல்லையே. உங்கள் வங்கியிலிருந்து ஒரே ஒரு அட்டைதான். எந்த எண்ணுக்குச் சென்றுள்ளது?”

“மன்னிக்கவும். வேறு ஒருவர் பெயரில் உள்ள அட்டை எண்ணை நாங்கள் தெரிவிக்கக்கூடாது”

“காசோலையில் எண் தவறுதலாகப் போடப்பட்டிருக்கலாம்”

“மன்னிக்கவும், அதற்கு நாங்கள் ஒன்றும் செய்வதற்கில்லை”

“அந்த அட்டைக்குரியவரிடம் பேசி, தவற்றைச் சரி செய்யலாம் அல்லவா?”

“அதை இந்த வங்கி செய்யாது. நீங்களே செய்துகொள்ளத் தடை இல்லை.”

“எனக்கு யாருடைய கணக்கு என்பது எப்படித் தெரியும்?”

“மன்னிக்கவும், நான் தகவல்கள் தர இயலாது”

“உங்கள் மேலாளரிடம் பேசிப்பார்க்கலாமா?”

“தாராளமாக. ஆனால் அவரும் இத்தகவல்களைத் தரமாட்டார்”

“அப்போது என்னதான் வழி?”

“தாங்கள் ரூ 1.5 லட்சத்தை உடனடியாகக் கட்டவேண்டும்”

“எப்படிக் கட்டுவது?”

“மன்னிக்கவும், வேறு எதேனும் கேள்வி இருக்கிறதா? நல்ல நாளுக்கு வாழ்த்துகள்” வைத்துவிட்டான்.

நல்ல நாள்? இதைவிட மோசமான நாள் இருக்க முடியுமா?

என்ன செய்வது? எப்படி இந்தப் பிரச்சினையிலிருந்து மீள்வது? யாரை ஆலோசிப்பது..ஒன்றும் புரியாமல் அடிவயிறு கனக்க வீட்டிற்குச் சென்றால் வாசலிலேயே மடக்கினார் செயலர் ராமாராவ்.

“என்ன மணி, உங்கள் வீட்டுக்கு இப்படிப்பட்ட விருந்தாளிங்க எல்லாம் வருவாங்களா?”

யார் அது விருந்தாளி?

“இது மரியாதைப்பட்டவங்க இருக்கற இடம். இந்த மாதிரி ரவுடிங்க எல்லாம் வராம பாத்துக்கங்க”

ராமாராவுடன் சண்டை பிடிக்க நேரம் இல்லாமல் வீட்டிற்கு விரைந்தான். 3 தடி ஆட்கள் அழைப்பு மணியைப் புறக்கணித்து கதவை ஓங்கித் தட்டிக் கொண்டிருந்தார்கள்.

“யாருங்க நீங்க”

“நாங்க வங்கியிலிருந்து வரோம். கடன் வாங்கினியே.. திரும்பிக் கொடுக்கவாணாம்?”

அந்த முகங்கள், அவர்கள் உடைகள் எதுவும் பன்னாட்டு வங்கியின் பெயருடன் ஒத்துவரவில்லை. ஆரம்பிக்கும்போதே ஒருமையில் ஆரம்பிக்கிறானே..

“வாங்க உக்காந்து பேசலாம்”

உட்கார்வதற்குள் “வாளைமீனுக்கும் விலாங்குமீனுக்கும்” சத்தம்.

“அந்த கஸ்மாலத்தை அணைச்சு வையின்னு சொன்னேனில்ல?.. எடுறா!” என்றான் அவர்களுள் தலைவன் போலத் தோற்றமளித்தவன்.

“என்னாது .. கொடுக்க முடியாதாமா? கைகால் போனா பரவாயில்லையான்னு கேளு! கடன் வாங்கித் திருப்பிக் கொடுக்கமுடியாத நாய்க்கு வாய் மட்டும் வண்டலூர் வரைக்கும்!”

அணைத்துவிட்டு மணியைப் பார்த்தான்.

“என்னாய்யா? எப்ப தருவே?”

“நான் பணத்தை அனுப்பிட்டேனுங்க. ஆனா ஒரு தப்பு நடந்துபோச்சு”

“எல்லாரும் இப்படித்தான் ஆரம்பிக்கறாங்க”

“இல்லீங்க, நிஜமாவே, வேர ஒரு கணக்குக்கு பணம் போயிருச்சு”

“அதுக்கு, என்னை என்னா பண்ணச் சொல்றே? டேய் மொட்டைக்கு போட்டுப் பேசுறா! அந்த நங்கநல்லூர்காரன் விஷயம் ஒரு வாரத்துக்கு மேல இழுத்துகிட்டிருக்கு”

“நான் மேலதிகாரிங்ககிட்ட பேசி சரி பண்ணிருவேங்க”

“மொட்டை.. அவன் என்னதான் சொல்றான்? குடும்பத்தோட மரியாதையா வாழணுமாவா? வேணாமாவா? ஒரு காட்டு காட்டிட்டு வா! அப்பதான் தெரியும் இவனுங்களுக்கு” மணி பேசியதை காதில் வாங்கிக் கொண்டதாகவே காட்டிக்கொள்ளவில்லை.

“தோ பாரு மணி.. ஒரு வாரம் உனக்குத் தர்றேன். அதுக்குள்ள பைசல் பண்ணாச் சரி. இல்லாட்டி என்ன வேணும்னாலும் நடக்கும்”

வெளியேறிவிட்டார்கள். இரண்டு நிமிடம்தான் உள்ளே இருந்தார்கள், ஆனால் ஒரு தேர்ந்த நாடகம் போல, மேலே கை வைக்காமல், நேரடியாகத் திட்டாமல் செய்தியை மணிக்குச் சொல்லிவிட்டார்கள் – நாங்கள் எந்த அளவுக்கும் இறங்குவோம்!

அடுத்து வந்த நாட்கள் அன்றைவிட மோசமாகவே இருந்தன.

“அட்டைக்கு அனுப்பப்படும் காசோலை யாருடைய கணக்கில் இருந்து வந்தது என்பது எங்களுக்குத் தேவையில்லாத விஷயம். உங்களுக்கும் அந்த அட்டைதாரருக்கும் என்ன கொடுக்கல் வாங்கலோ? அவராக முன்வந்து சரிசெய்தால் மட்டுமே முடியும்”

“சரி அவர் பெயர் முகவரி சொன்னீங்கன்னா கேட்டுப்பாக்கிறேனே”

“மன்னிக்கவும். நாங்கள் அந்த எண்ணைத் தரமுடியாது. நீங்கள் இப்போது உடனடியாக 175000த்தை கட்டுவது தவிர வேறு வழி கிடையாது”

வங்கி மேலதிகாரிகள் கைகழுவிவிட்டார்கள்.

வாரம் கழிந்தவுடன் சரியாக வந்துவிட்டார்கள் தாதாக்கள்.

“என்னா மணி, இன்னும் கட்டலியாமே? என்னா தெனாவட்டுடா உன்க்கு?”

“இல்லைங்க, எதாவது பண்ணி சரி பண்ணிடுவேன்.”

“த்தா.. உனக்கெல்லாம் ஒரு வீடு.. சோறுதானே திங்கறே? கடன் வாங்கினா திருப்பிக் கொடுக்கணும்ன்ற ஒணக்கை வேணாம்?”

“எப்படியும் இன்னும் ஒரு ரெண்டு மூணு நாள்லே…”

“கடைசியா இன்னும் ரெண்டு நாள் கொடுக்கறேன். மவனே அதுக்குள்ள கணக்குத் தீர்க்கலே…”

யாரைக் கேட்பது? .

“உங்க அப்பாகிட்ட இருந்து எதாச்சும்?”

“அவரு கடைசிக் காசையும் சுரண்டிதானே 3 லட்சம் கொடுத்தாரு? உங்களுக்குத் தெரியாததா?”

எந்த வழியும் இல்லை. அலுவலகத்தில், வங்கிகளில் தெரிந்தவர்களிடம் எல்லாம் எல்லை வரைக் கடன் வாங்கித்தான் வீடே முழுமை ஆகி இருக்கிறது. நண்பர்கள் எல்லாரும் முடியாது என்றே சொல்லிவிட்டார்கள்.

நடைப்பிணமாகத்தான் அலைந்தான் மணி. “அஞ்சு வட்டிக்குத் தர்றேன். ஆனா ரெண்டு மாசத்துக்குள்ள திருப்பணும்” ரெண்டு மாசத்துக்குள்? வேறு குண்டர்களை அழைப்பதில்தான் இது முடியும். “வேணாங்க”

வீட்டை அடகு வைக்கலாமா? “இதை எப்படிங்க அடகு வைக்க முடியும்? ஏற்கனவே அடகுக்குதானே வீட்டுக்கடன் வாங்கியிருக்கோம்?”

ஒன்றும் புரியவில்லை. தற்கொலையைத் தவிர வேறு வழி இருப்பதாகத் தெரியவில்லை. ஒருநாள் அம்சா பதட்டமாக அழைக்க, வீட்டிற்கு வேகமாக ஓடினான்.

வீட்டு வாசலில் ஒரு வண்டியில் அவன் தொலைக்காட்சியும் குளிர்பதனப் பெட்டியும்.

அதே தாதாதான் நின்று மேற்பார்வை பார்த்துக் கொண்டிருந்தான்.”மணி.. வண்ட்டியா? காசைத் திருப்பிக் கொடுக்காத டோமரு உனக்கு படம் பாக்கணுமா?”

ராமாராவும் வேடிக்கை பார்த்துக்கொண்டிருந்தார். “மணி, இதெல்லாம் சரியில்லை. நான் முதல்லேயே சொன்னேன், இது மரியாதைப் பட்டவங்க இருக்கற இடம்னு. நீங்க கூடிய சீக்கிரம் வீட்டைக் காலி பண்ணிடுங்க. குழந்தைங்க எல்லாம் பயப்படுது பாருங்க!”

வீட்டில் தொலைக்காட்சி போனதில் நிசப்தம் பெரும் சப்தமாகக் கேட்டது. சமையலறையில் கேவல்.

அடுத்த முறை தாதா வந்தபோது, மணியும் வீட்டில் இருந்தான் நல்ல வேளையாக..

“மணி.. உன் மூஞ்சுக்குதான் இவ்ளோ நாள் மேல கைவைக்காம விட்டு வச்சிருக்கேன்..”

“இதோ பாருங்க.. நீங்க பண்றது சட்டப்படி தப்பு.. தீர்ப்பு கூட வந்திருக்கு தெரியுமா?”

“நீ சரிப்படமாட்டே.. சட்டம் பேசறியா.. தயிர்சோத்துக்கு இவ்ளோ காண்டு கூடாது..தோ கூப்பிடறேன் நம்ம பசங்கள..”

“அய்யோ.. அவங்ககிட்டே ஏன் வம்பு.. எதாச்சும் கொடுத்து அனுப்புங்க!” கண்ணில் கலவரத்தோடு அம்சா..

“என்ன இருக்கிறது கொடுக்க?”

“ஏன் உன் பொண்டாட்டிய அனுப்பேன்! அம்சாவா பேரு? அம்சமாத்தானே இருக்கா?”

கதறி அழ ஆரம்பித்துவிட்டாள்..

“இந்தத் தாலி ஒண்ணுதான் இருக்கு.. சாமி படத்துக்குக் கீழே மஞ்சள் கயிறு இருக்கு அதை எடுத்துகிட்டு வாங்க..”

சமையல் அறையைத் தாண்டும்போதுதான் அதைப் பார்த்தான்.

மாட்சிமை தாங்கிய நீதிபதி அவர்களே.. என் கட்சிக்காரர் மணி, உணர்ச்சியின் தூண்டுதலால்தான் இந்தக் கொலையைச் செய்திருக்கிறார் என்பதால், குறைந்தபட்சத் தண்டனை அளிக்குமாறு கேட்டுக்கொள்கிறேன்.

World Market Index Watch 2009

sarahfinancial — Tue, 21 Oct 2008 14:38:13 +0000

World Market Index Watch

Live Business & Financial News

ICICI Bank ltd

sarahfinancial — Tue, 14 Oct 2008 03:51:50 +0000

Dear Customer,

We are aware that you are being misled by numerous malicious and baseless rumors. Many of these are via SMSes. Many of our customers have written in to us expressing solidarity and confidence in our relationship, and have mentioned they have dismissed these rumors, for which we are grateful. Still we know that these rumors may cause you distress and doubts. You are our valued customer and we would not like you to have any of these feelings. So we have now chosen to write to you directly to allay your concerns if any.

You would have seen the categorical endorsement of the soundness of Indian banking as well as ICICI Bank’s sound financial health from the RBI and the Finance Minister. You would have also read about the unequivocal certificate of confidence reposed on us by S&P an independent rating agency of repute. We have categorically and in a transparent manner disclosed that

We have ZERO exposure, directly or indirectly, to US sub-prime
We have 150% more capital than what Banks are required to have, and we are one of the highest capitalized banks in the country
We have a AAA rating
We have sound liquidity to meet your needs whenever you need and in what ever amounts you may need

Your bank has grown and achieved its status of pre-eminence due to the patronage and trust you have reposed thus far in us. We have made many an Indian smile with a house, car and every banking need dreamed of by Indians. I am sure nothing factually or otherwise has changed in our relationship that we should let baseless rumors cast doubts in your mind. We once again want to reaffirm to you that the bank you have built and assisted to grow to pre-eminence will be with you day and night. We take pride in serving you and being the bank of your first choice.

We desire and request the continuance of your unwavering trust and relationship. We promise to you that not only your deposits but all your interests are safe and secure with us. In case you need to reach us, kindly write to us at customer.care@icicibank.com.

Sincerely

V. Vaidyanathan
Executive Director
ICICI Bank Ltd